وباستشارة النيابة العمومية بالمحكمة الابتدائية بتونس مصدر التفتيش أذنت بالاحتفاظ بمريم الدباغ واحالتها على أنظارها غدا الاثنين لتقرر في شأنها ما تراه مناسبا والنظر في اعتراضها على الأحكام الصادرة في حقها.


وكان سمير الوافي أعلن عن إيقاف " إحداهن " في المطار خلال محاولة سفرها الى الخارج وذلك في الاشارة للانستغراموز مريم الدباغ.

واشار الوافي الي انه تم ايقافها بعد ان اتضح أنها مفتش عنها بتهم مختلفة من بينها 4 شيكات بدون رصيد ( 20 سنة سجن ) تتراوح قيمتها بين 17 و32 مليون للشيك الواحد...وتم إيداعها السجن في انتظار اعتراضها على الأحكام الغيابية.

وقال الوافي متحدثا عن والدته "خدوجة الغالية خط أحمر ومن يحاول إيذائها ولو بالكلام يخسر حتى بدعائها الصامت فقط !"
تجدر الاشارة الي ان سمير الوافي رفع أكثر من قضية ضد مريم الدباغ بتهمة الثلب والاساءة الي الغير عبر مواقع التواصل الاجتماعي وذلك على خلفية عدد من التدوينات ومقاطع الفيديو التي نشرتها الدباغ والتي تستهدفه وتستهدف والدته.
يذكر ان محكمة الاستئناف بتونس كانت اصدرت الخميس الماضي حكما يقضي بسجن الدباغ 3 أشهر على خلفية قضية رفعتها ضدها الديوانة التونسية.


عربية حمادي " رغم اختلافي مع مريم الدباغ لكن الشماتة فيها مايجيش"

قالت الإعلامية عربية حمادي بالصادق أنها ترفض التشمت في الانستغراموز مريم الدباغ بعد ايقافها رغم الخلافات معها ورفضها لظهورها الإعلامي.
وكتبت عربية حمادي في صفحتها الرسمية على الفايسبوك التدوينة التالية:
"نهارة إلّي قابلتها لأوّل و آخر مرّة في حياتي في برنامج بوليميك ما سلّمتش عليها في الكواليس و ما نافقتهاش و ما حسستهاش بالأمان باش بعدها نغدرها في البلاتو لأنّو مش من طبعي بالعكس خزرتلها بطريقة تخلّيها تتأكّد إنّي داخلة للبلاتو و مش باش نرحمها.... كلّمني مذيع البرنامج قبل الحلقة بليلة باش يقلّي راهي غدوة ضيفتنا و تناقشنا شويّة و كان عندي خيار بين إنّي نحضر للحلقة و بين إنّي نعتذر و للأمانة كان متفهّم جدّا لموقفي منها و قلّي ليك مطلق الحرّية
قلت كان ما حضرتش باش يقولو خافت منها و ما حبّتش تواجهها و كان حضرت و عملت إلّي في مخّي فمّا شكون باش يقول عاملين سيناريو

---

اقرأ أيضا: مريم الدباغ تهاجم عربية بن حمادي بألفاظ عنصرية: نحّي الڤالّي ڤتلك متاعك يا ڤعرة

---

وهاي تعدّت السّنوات و كيما قلت وقتها أقسم بالله العليّ العظيم إنّو إلّي صار وقتها في البلاتو لاكان حدّ في بالو بيه لا مذيع البرنامج ولا أي شخص ليه علاقة بالبرنامج و النّاس الكلّ تفاجأت و لو ترجع الأيّام نعاود نعمل نفس الشّي اليوم الطّفلة توقّفت و الكلّ ولّت أبطال و تسبّ فيها
أنا بيني و بينها قضيّة تحكمت فيها بالحبس إبتدائيا ب3شهور بعد ما غلطت في حقّي و حقّ زوجي في أحد البرامج التّلفزيّة و قامت هي بإستئناف الحكم و الجلسة تعيّنت نهار 30 ماي و ما نعرفش شنوّا ممكن يتحكم فيها "فقد أسقط حقّي إن حُكم لصالحي" و من هنا لهاكا الوقت نحبّ نقول إنّي ضدّ الشّماتة فيها أو سبّانها أنا مشكلتي معاها كان فرضانها علينا في وسائل الإعلام و كيف خرجت من الإعلام ماعادش يهمّني الباقي حياتها و أمورها و أنستغرامها و بدنها وهي حرّة
هذا موقفي
أنا أواجه من يضاهيني أو يفوقني قوّة ولا أدوس على من أسقطته الأيّام و لو لبعض اللّحظات"