من فضلكم قبل ما تعلقوا ما فيها باس كان تتأكدوا مالمعلومات .... لعلمكم إلي الوقفة عملوها القابلات يطالبوا بقانون أساسي لحماية القابلة ويطالبوا بالاعتراف بها ماناش نطالبو بزيادات ولا ترقيات - وبناتنا القابلات إلي مزالوا يقراو كانو حاضرين يطالبوا بخمسة سنين قراية في بلاصة 3 سنين على خاطرهم حاسين بالمسؤولية ويحبوا يحسنوا الوضع .... وزيد ماناش بلاش عقل بش نهملوا خدمتنا بالطبيعة إلي جاو ليوم جاو من ديارهم مش م السبيطرات!!! رغم الحالة المزرية
وألضروف ألي نخدموا فيها يبقى أكبر همنا صحة المرا وصغيرها

محلاها بلادنا ولات , كل واجد يوجعو راسوا يعمل اضراب ولا فما واحد يعذر البلاد والاومة الي فيها .
ونساو كلمة الصبر و التضحية لاجل الوطن .
ملا مهزلة .وملا مستوى .كان الجهل والطمع واللامبالات ,والانانية والانتهازية .

اتقوا الله وتذكوا ان هناك من لم يجد اكلا كغيره ,هناك من يعيش في الاكواخ , وهناك لا يعمل ذوق الشغل والراتب .
وتذكوا ان الله يحب الصابرين .
واعملوا لاجل تونس و انقاذها مما هي عليه الان.
وكفانا " رويق بارد وبلادة وشدوا خدمتكم وفيقوا علا وراحكم ,عملتو العار .
كنتم تلومون على المجرم بن علي وعائلته وقامت الثورة لاجل الحرية والحق .
فكونوا اهل الحق و الصدق والعمل و الجدية واثبتوا انكم وانكن اهل لذلك .

بلاغ هام
ما فيها باس كيف نساندو هل الاضراب واش كان عليه اذا اللي باش تولد تشد روحها شوية حتى يرجعو للخدمة

على ها الدزة الواحد قبل ما يعمل أي حاجة (يعرس ـ يولد ـ يحج ـ يسافر ـ يطهر ولدو ـ يلعب ماتش ـ يمرض ـ يطيح ما في عينو بلة ـ يدوخ ـ يهبل ...) لازم يعمل طلة على النشرة اليومية للإضرابات يمشيشي يطيح كف وغرزة هو وإضراب موش عاملو حساب
تجي مرتو تولد ما يلقاش قابلة
يجي ولدو يقرا يلقا المعلمين مضربين
يجي يداوي يلقا الطبا مضربين
يجي يلحق على رانديفو يلقى الكياس مسكر
يجي يسافر يلقا الطيارات مضربين (أقول الطيارات عن عمد لأن الذين ينظمون الإضرابا في قطاع النقل طيارات برشة)
المهم الواحد لازم يثبت قبل ما يعمل حاجة
أبو لينة